Tag: La Antigua

dantz

Zubi Ondo | Zarautz

ZUBI ONDO | ZARAUTZ

Zubi-Ondo baserria 1905eko maiatzaren 13an erregistratu zen Azpeitian. Eraikina Segundo Maria Laburu Mujikak eraiki zuen eta Iñurritza auzoan kokatua dago Iñurritza ibaiaren eta Talai-mendi mendiaren artean. Segundo Maria 1924ko irailaren 25ean hil zen eta etxeko gizonezko bakarrari pasa zitzaion lurraren eta eraikinaren jabetza, Agustin Laburu Mugikari. Ondoren, Agustin hil zenean, bere semeak jaso zuen baserria. 1981. urtean, Ramon Laburu eta Inmaculada Bellabazok Zubi-Ondo izeneko jatetxea eraiki zuten.

Beraiek urte batzuk ustiatu zuten eta ondoren beste urte batzuetan alokairuan egon zen. Azken 15 urte hauetan Zubi-Ondo sortzailearen birbilobek jarraitzen dute legatuarekin Lorea eta Gorkak hain zuzen. 2009-2010 urteetan Zubi-Ondo inguruan biotopoa babestu bat egin zuten. Inguruak ikaragarrizko aldaketa izan zuen eta bertako lur askoeri jabetza kendu zieten, biotopoa egiteko. 2018ko Urtarrilean Zubi-Ondo etxeko eta jatetxeko erreforma egin zuten eta gaur egun guztiz berritua dago. 

INFO

ORDUTEGIA: 21.00H

STREAMING (24/11/21)

(ZUBI ONDO | ZARAUTZ)

Facebook Youtube Twitch
dantz

La Antigua | Zumarraga

LA ANTIGUA | ZUMARRAGA

Antioko baseliza Zumarragan kokatuta dago, Urola ibaia igarotzen den haranaren goiko aldean.

 
Ermita aipatzen duten lehenengo dokumentuak 1366koak dira. Paregabea da bere barne-edertasuna, zeinak harri eta egurren uztarketa duen oinarri. Bere defentsa izaerako kanpo aldetik XIV. mendeko erromatar atea nabarmentzen da, baita XV. mendeko zabaltze-obretan egindako kalbarioa ere. Ermitak Ama Birjinaren eskultura gotikoa gordetzen du.

 
Antio Hiru Tenpluen Ibilbidearen mugarrietako bat da Loiolako eta Arantzazuko santutegiekin batera. Euskal erromanikoaren adibide argia da, eta gaur egun Baselizen Katedrala bezala ezagutzen da duen barneko edertasunarengatik.
 
Nabe bakarra du, eta hiru zatitan banatuta dago, sei zutabe zilindriko lodirekin. Teilatua bi isurkikoa da. Korua eta alboko tribunak egurrezkoak dira, eta eskualdeko eliza askok (Iparraldekoak, bereziki) hartutako antolamendu tradizionala jarraitzen du.
Eraikinaren sabaiak haritzez betetako basoa dirudi bisitariaren begirada erakarriz hainbat elementu miresteko: teilatua, habeak, tiranteak, karelak, jabaloiak, esaterako. Horiek guztiak Euskal Herriko Behe Erdi Aroko dekorazio bereizgarriarekin apainduta daude, hala nola, motibo geometrikoekin eta emakume-buruekin.

Bere egurretan hainbat tailu bereizgarri ikus ditzakegu, besteak beste, eguzkia eta sua islatzen dituzten gurpil eta gurutze zeltikoak.

Antiok aisialdirako gunea ere badu, zuhaitzekin, mahaiekin eta harrizko eserlekuekin. Bertatik ibilaldi atsegina egin daiteke, Beloki mendiraino.

INFO

ORDUTEGIA: 22:00H

STREAMING (08/11/21)

(LA ANTIGUA / ZUMARRAGA)

Facebook Youtube Twitch
+INFO