Dantz Point Errenteria LABORAL Kutxa

Datorren irailaren 26an, larunbata, Dantz Point Errenteriara iritsiko da musika elektroniko garaikideko aire zabaleko jardunaldi berri batekin, Mendilorealdea zelaigunean.

Sei orduz, espazioa herritarrei irekitako dantzaleku bihurtuko da, musika, paisaia, hiri-ingurunea eta komunitatea uztartuz.

Programazioak Clandestino, Iker Kabe eta Leire IF bilduko ditu, 18:00etan hasi eta gauerdira arte luzatuko den sarbide libreko jardunaldi batean.

Dantz Point-en hitzordu berri bat, musika elektroniko garaikidea espazio berrietara hurbiltzeko, topaguneak aktibatzeko eta kultura elektronikoaren inguruan komunitatea eraikitzen jarraitzeko.