Gipuzkoako Foru Aldundiko Kultura eta Kirol Departamentuaren laguntzarekin, Dantz eta Txuri-Urdin elkarlanean arituko dira abenduaren 23an, Eguberri hauetan, izotzaren gaineko musika- eta patinaje-esperientzia bat eskaintzeko. Plan berri bat, freskoa eta familia osoarentzat egina.

Gaur egun dauden eguneroko espazioak eraldatzeko helburuarekin, Dantzek Txuri Urdin, Gipuzkoako izotz-jauregirik ospetsuena, «hackeatuko» du musika-klub bihurtzeko. Kultura eta Kirol Departamentuaren laguntzarekin, proposamen berritzaile bat egiten da, Donostiako instalazio enblematikoenetako bati –izotz-jauregiari– eta musika elektronikoari eta abangoardiako musikari balioa ematen diena. Jarduera inklusibo bat da, publikoaren parte-hartze aktiboarekin.

Ekitaldia ostiralean, hilak 23, 18:00etatik 21:30era izango da. Bertan, bertaratzen direnek aukera izango dute harmailetara joateko edo, nahi izanez gero, Dantzek proposatzen dituen DJen musikaren doinuetara patinatzeko, izotz-pistaren inguruan. Horrela, Euskadin kirola eta kultura modu berritzaile batean elkartuko dira.

18:00etatik 20:00etara, ALAI izango da lehen DJa: Tolosarra, DJa, ekoizlea eta artista elektronikoa. Gipuzkoar talentu honek bere estiloa disko musikan, hip-hopean eta dance musikan oinarritzen da, eta house erritmo indartsuen artean nabigatzen du, ideia feministekin konprometitutako letrekin batera.

Bigarren artista gonbidatua Alvaro Granda da, Divorce From New York izenaz ezaguna. Reykciuk606 bikoteko kide gisa egin zen ezaguna (Tenderlonious eta Ishmael Ensemble bezalako artistekin lan egin dute). Alvarok, 20:00etatik 21:30era erritmo hautsiak, soinu eraikitzaileak eta erritmo sinkopatuak dituen zapore-sare aberats bat sortuko du, jungle, house eta bruk elementuak jazzaren sentsibilitateekin fusionatuz. 

Musika-saioez gozatzeko, harmailetan sartzeko sarrerak 5 euro balio du; bestalde, izotz gainean patinatzeko, patinen alokairua (2,95 €) eta kaskoarena (1,10 €) ordaindu behar dira.