Gipuzkoak berriz dantzatuko du Dantz Point-en erritmoan: sei herri eta datak baieztaturik 2025erako
Dantz Point, ondarea balioan jartzea helburu duen musika elektroniko eta garaikideko esperientzia artistikoen bidezko proiektu kulturala, 2025ean Gipuzkoan izango den denboraldi berria aurkezten du.
2019an Gipuzkoan sortua, ekimen hau urtez urte hazi da, besteak beste, Gipuzkoako Foru Aldundiko Kultura, Turismo, Gazteria eta Kirol Departamentuaren babesari esker, lurraldeko kultur proposamen berritzaileenetako bat bihurtuz.
Orain arte 110 Dantz Point baino gehiago egin ondoren, 2025eko edizio honek Gipuzkoarekiko lotura sendotzen du, gaur arte sei esperientzia baieztatuekin, tokiko, estatuko eta nazioarteko beste zenbait esperientzia ere iritsiko dira.
2025eko Gipuzkoako Dantz Point-ak garrantzi sinboliko, arkitektoniko eta natural handiko espazioetan egingo dira, herritarrak beren ingurunearekin konektatzeko helburuarekin musika elektroniko aitzindariaren eta tokiko parte-hartzearen bidez.
Orain arte baieztatutako datak eta kokalekuak honako hauek dira:
Ekainaren 21a – Hondarribiko harresiak
Urtebete gehiagoz, Dantz Point itzuli egingo da hiriaren nortasuna eta itsasoarekiko hurbiltasuna sinbolizatzen dituen defentsa- eta historia-gune honetara.
Ekainaren 28a – Santa Ana Parkea, Bergara
Bergarako erdiguneko birika berdea, herritarren egunerokoan integratutako musika eta paisaia esperientzia bat bizitzeko gune paregabea.
Uztailaren 19a – Itzurun hondartza, Zumaia
UNESCOren Geoparke izendatutako naturgune ikusgarria, denboraldiko edizio ikusgarrienetako eta emozionalenetako baten eszenatoki bihurtuko da.
Uztailaren 18a – Ave Maria Parkea, Hernani
Bizitza sozial eta herrikoiaren erdigune den espazio honetan, tradizioa, komunitatea eta musika elektronikoa elkarrekin biziko dira.
Abuztuaren 14a – Donostia / San Sebastián
Gipuzkoako hiriburuan beste edizio bat egingo da, hiriko espazio esanguratsuenetako batean, aurreko edizioetan Miramar, Urgull edo Aieteko Jauregian egindakoen jarraipena.
Irailaren 20a – Monterrón Parkea, Arrasate
Arrasateko lorategi historikoa eta berdegunea, soinuzko, ikusgarritasuneko eta komunitateko gune bihurtuko da denboraldian zehar.
Denboraldi honek berriz ere Gipuzkoako Foru Aldundiko Kultura, Lankidetza, Gazteria eta Kirol Departamentuaren, Keler markaren eta lurraldeko hainbat udalen babesa izango du. Bergara, Hernani, Zumaia eta Arrasateko Dantz Point-ak Laboral Kutxaren lankidetzarekin egingo dira, Dantz Point by Laboral Kutxa izendapenean, kultura, lurraldea eta komunitatea lotzen dituzten lankidetza publiko-pribatuen sare sendoa indartuz.
Datozen asteetan, Dantzek edizio honetara gehituko diren data eta herri berriak iragarriko ditu, kultura garaikidea esperientzia ireki, jasangarri eta eskuragarrien bidez herritarrengana hurbiltzeko apustua sendotuz.
