Sofiatik (Bulgaria) mundura, Kink bere sormen eta zuzeneko gaitasun paregabeagatik nabarmendu da eszena elektronikoan. Beste artista askoren live set-ak aurreikusgarriak diren bitartean, berak une bakoitza inprobisazioz eta publikoarekin lotura biziz betetzen du, esperientzia errepikaezina bihurtuz.
Kink-en musika ezin da genero bakarrera mugatu: acid, house, techno, electro eta broken beat estiloak uztartzen ditu funky eta indarrez beteriko soinu batean. 90eko hamarkadako rave giroa gaur egungo ikuspegi ausart batekin berrinterpretatzen du, beti bere estilo pertsonal eta aldakorrarekin.
Bulgarian, garai post-sobietikoan, baliabide urriekin ikasi zuen bere kabuz ekoizten. Gaur egun, Running Back, Clone edo Ovum bezalako zigiluekin lan eginda, munduko live act onenetarikoa da, eta Europa ekialdeko talentu berriaren inspirazio bihurtu da.
